Беларусь адродзіцца Вераю

  • пн, 08/12/2014 - 00:00

Пра глыбокія карані духоўнай культурнай спадчыны беларускага народа сведчыць выдатны  найстаражытнейшы  помнік  сярэднявечнага пісьменства – Полацкае евангелле канца ХІІ ст., які  шматгадоў быў недаступны  для нас: арыгінал  і сёння захоўваецца за межамі Беларусі. Помнік дае багаты матэрыял пра станаўленне і развіццё пісьмовай беларускай мовы, нацыянальнага кніжнага мастацтва. Гэта крыніца звестак пра гісторыю краіны, пра духоўны свет нашых далёкіх продкаў, іх традыцыі, мары і спадзяванні.

Полацкае евангелле (канец ХІІ ст.) – першая беларуская кніга, якая дайшла да нас. Намаганнямі, шмадгадовай даследчыцкай працай перакладзенае  на сучасную беларускую мову, апублікаванае Евангелле вернута свайму народу  загадчыцай кафедры беларускай і рускай моў нашага ўніверсітэта, кандыдатам філалагічных навук, дацэнтам І.У. Будзько (разам з супрацоўнікамі НАН Беларусі). Даследаванне мовы   старадаўніх  помнікаў – складаны працэс: кожны тэкст патрабуе ўдумлівага і стараннага лінгвістычнага аналізу, супастаўлення моўных фактаў на ўсіх узроўнях. Прачытаць старажытнае евангелле можа толькі спецыяліст многаграннай падрыхтаванасці, шырокай эрудыцыі і высокай кваліфікацыі – даследчык, які свята верыць  у духоўнае адраджэнне роднага краю. Гэтымі здольнасцямі, гэтай верай Бог надзяліў Ірыну Уладзіміраўну. Дзейнасць даследчыцы, як і іншых супрацоўнікаў НАН, высока ацэненна не толькі навуковай грамадскасцю Беларусі, але і Царквой. І.У. Будзько ўзнагароджана медалём Святой Прападобнай Еўфрасінні Полацкай. У 2013 годзе выданне Полацкага Евангелля атрымала прэмію “Трыумф” у Маскве як лепшая праваслаўная кніга. 

 

Нiна ГАЎРОШ, прафесар кафедры

беларускай і рускай моў

Категории: 
Выпуск газеты: 

Похожие новости